2026 жылғы 8 сәуірде Satbayev University базасында «Күміс университет» жобасы аясында фотокөрме сәтті өтті.

 Іс-шараны Білім беруді цифрлық трансформациялау орталығы (Автоматика және ақпараттық технологиялар институты – ААжАТИ) мен Алматы қаласының Белсенді ұзақ өмір орталығы бірлесіп ұйымдастырды.

Бұл жоба – қарт адамдардың өздері түсірген фотожұмыстардан тұратын көрме. Негізгі мақсат – аға буынның шығармашылық әлеуетін ашу, олардың өмірлік тәжірибесін жастарға жеткізу және қоғамда белсенді өмір салтын насихаттау.

Көрменің тақырыбы – «Күміс университет». Экспозицияда қатысушылардың күнделікті өмірі, қызығушылықтары мен шығармашылық көзқарасы көрініс тапқан. Фотокөрмеге I және II фотобайқау қорытындысы бойынша іріктелген үздік жұмыстар енгізілді.

Іс-шараға Белсенді ұзақ өмір орталығының қызмет алушылары, студенттер және өнер сүйер қауым қатысты. Көрме ұрпақтар арасындағы мәдени байланысты нығайтып, фотография өнеріне деген қызығушылықты арттырды.

Ұйымдастырушылар: Satbayev University, Автоматика және ақпараттық технологиялар институты (ААжАТИ), Білім беруді цифрлық трансформациялау орталығы, «Күміс университет» жобасы.